انا حلمت ! اي و الله حلمت ! حلمت ان مصر بلد متقدم و حضاري و الشعب متنور و متعلم مش مزقوف بجهله للتطرف و التخلف!
و لما حلمت لبست الجينز و الكوتشي و نزلت يوم 25 يناير! مكنتش عايزه حاجه ليا!
على فكرة انا عايشه كويس الحمدلله ! عندي عربيه صغيرة و بنتي في مدارس خاصه و بشتغل !
مليش مطالب شخصيه يعني ! بالعكس انا كان ليا برستيج في النظام القديم!
بس حلمت ! حلمت بمصر رافعه راسها ! حلمت بشعب عايش بكرامه!
حلمت ان جيل بنتي ميمتش و هو بيهرب من البلد في مراكب زي جيلنا !
مش حلم كبير بس عشان نحققه لازم كفاح طويل و مرير !
مش هقلك ان الثمن قليل بس المكاسب أكثر كثير !
انا بس عندي نصيحه ليك ! الجيل الي قبلنا رضا منطقش من يوم متولد لغاية ما الظلم ساد بين العباد !
إختار هتسكت عشان خايف و لا هتتوكل على الله و تنزل الميدان و نبني سوى بلدنا !
ايوه الي في الميدان هما الي عايزين يبنوا البلد مش الي في التليفزيون !
الي في التليفزيون عايزين يحكموا و بس !
متصدقهمش !
صدق نفسك ! صدق حلمك ! صدق انك ممكن تنتصر لمصر و تنتشلها من انياب الفساد!
غير مصر و اتغير معاها ! ابقى كل شيء كان نفسك تكونه !
ابقى فاعل ابقى ايجابي ابقى شجاع ابقى قوى
انت الأقوى
ثور من أجل مصر !
<photo id="1" />
No comments:
Post a Comment
Note: Only a member of this blog may post a comment.