يلا قالوا انتخابات و الإخوان و السلفيين جاهزين قوائم و فردي و إيه قلنا هنشوف طوابير و شنط و جنيهات و راينا لجان خاويه ليه اللهم إجعله خير ؟؟؟
الإخوان خلصوا؟؟؟
السلفيين هاجروا؟؟؟
أين الجحافل الإخوانيه و الحشود السلفيه ؟؟؟؟؟
بلاش شراء أصوات و كلام ده زي الشعب بس أين الملايين من المنضمين للجماعه و المحبين ؟؟؟
طلعوا 4%
بجد؟؟؟
ايوه
طلعوا 4%
4% هي نسبة المصريين الي مقتنعين بالمسار السياسي الحالي بعد ان أفاقوا من عرس الديمقراطيه المضروب بتاع الإنتخابات البتنجانيه!
4% هي من رأي ان الصندوق فاشل بعدما جلس يشاهد مساخر الجلسات الأولى لبرلمان النيام!
4% هم من صدقوا دموع التماسيح
4% هم الموالين للمجلس العسكري
4% هم الذين يطيعون الإخوان و السلفيين طاعه عمياء
4% و بس
التحليل السابق ليس على أي أساس علمي لكن قياسا على ان 77% من المصريين قالوا نعم في الإستفتاء للمجلس العسكري و ان إنتخابات مجلس الشعب كانت نزيهه و حرة مع إن من ال 40 مليون مصري لهم حق التصويت صوت 52 مليون بس و لا يهمك ايه 12 مليون دول فكه !
تبعا لأخر انتخابات هم بقوا 4% !
يا ريت نبطل عك و نعترف ان الديمقراطيه ليست الصندوق انما مناخ عام و حزمه إجراءات و مؤسسات و وسائل ابداء رأي و جزء بسيط منها هو الصندوق !
