دعوني أقر و أعترف ان انا دماغي متركبه شمال!
لا شمال مش يعني انا يساريه!
الموقف كما اراه: جموع من الشباب تهتف يسقط يسقط حكم العسكر
عشرات الشهداء يسقطون
مئات الجرحى
يسقط يسقط حكم العسكر
يتفتق ذهن البعض عن حل سريع للأزمه و يختذل الأزمة في جنرالات مجلس الهم و الغم و يصرخون: نسلم السلطه للبرلمان اليس منتخبا!
ماشي تسلم السلطه للبرلمان إزاي يقلك نعزل المجلس العسكري و البرلمان يجري إنتخابات الرئاسه خلال 60 يوم
ايوه يعني مين الي هيكتب شروط تسليم السلطه! قالك هو إحنا عيال عندنا ضمانات! ضمانات من مين معرفش !
ماشي انا عايزة الرئاسه! ما ننزل نقول الرئاسه خلال 60 يوم و بكدا نسقط حكم العسكر ما هو العسكر جاب حلفاءه في البرطمان و كدا اكون بسلم الإيد اليمين للإيد الشمال ! يطلعوا يسرسعوا لا لا نثق في انتخابات تحت حكم العسكر
الله ما انت وثقت في الإنتخابات البتنجانيه و قلت 40 مليون مصري ماي أس انتخبوا برطمان العسكر ؟؟؟؟
يعني هو العسكر كويس في انتخابات البرطمان و كخه في الرئاسيه؟؟؟؟
طيب ما البرطمانيين انفسهم نقاوة العسكر قالك اه نو مون بيه مش هنستلم سلطه ؟؟؟؟؟؟
و إعمامك بتوع قال الله و قال الرسول قالولك إنهم راضيين عن المجلس و قالوا علينا " و إيش نازلكم" ؟؟؟؟
يتقمصوا سلوك الطفل الشبطان في المصاصه : لا انا انتخبتوا يبقا يستلم السلطه حتى لو مش عايز
انا مش هطول بس صراحه اتمنى تكبروا قبل نهاية الثورة عشان كدا هتنهوا علينا !
No comments:
Post a Comment
Note: Only a member of this blog may post a comment.