ايوه اتفرقوا و مش هينفع يتصالحوا !
لا متتسرعش مش موضوع انتهاك البنات ! مع انه لوحده يستاهل!
ا لا لا و لا السلخانه بتاعة المتحف !
شباب 9 مارس و 9 ابريل و تباطؤ المحاكمات ! لع تؤ نو
القطيعه اسبابها أكبر من كده كتير ! لا برده مش عشان فساد مالي و كلام ده !
المشكله الأهم انكم مش مع اهداف الثورة جمله و تفصيلا !
انتم تخيلتم ان الثورة ضد مبارك و فساد المقربين منه ! و دا مش حقيقي دول جزء صغير أوي من المعضله !
شايفين ان نظام الدوله كويس بس تقللوا الفساد شويه ! دا مش صح نظام الدوله سييء و فاشل و محتاج نسف و اعاده بناء!
انتم تدعون لدوله تحكم و تسوس الرعايا و نحن الشعب يطيع و يتبع القوانين ! و نحن نريد دوله تدار وفقا لأحكام الشعب !
انتم تريدون ان تحكموا و ان نرتضي بحكمكم او من ترتضونه بصفتكم اوصياء على الشعب و نحن نريد ان يَحكم الشعب !
انت تريدون دوله نصف ديكتاتوريه عشان احنا شعب جاهل و غير مؤهل ! و نحن نريد ان نمارس كل حقوقنا السياسيه و نتخذ قراراتنا بأنفسنا!
انتم تريدون ان لا نتساوى و ان لا نتحاسب و نحن نريد المساواه و المساءله !
أنتم تريدون مصر التي تناسب أمريكا و تعجب اوروبا و تراضي الخليج و تصاحب ايران و تركيا و تهادن اسرائيل ! و احنا عايزين مصر الي تعجب المصريين !
من الأخر انتم عايزين بلد مسخ و احنا بنحلم ببلد حر!
و هذا فراق بيننا !
و الله الموفق و المستعان ! و ربنا على المفتري !
No comments:
Post a Comment
Note: Only a member of this blog may post a comment.